Ingredients:
- sclopit
- pomodoruts di chei piçui
- paste (miôr curte e al ûf)
- cevole (o scalogn)
- ai
- vueli di ulîf o spongje
- formadi di piore, o scuete fumade
- sâl e pevar
- un sbit di pevaroncin (par chei che ur plâs)
29-PASTESUTE CUN
SCLOPIT
Cheste e je une pastesute par cuant che o vês
premure, o seis stufs di doprâ il sclopit par fâ fertais e risots.
Curait e lavait il sclopit.
Meteit la cevole , l'ai e il vueli (o la spongje, se
no vês fastidis di diete) intune biele padiele largje e faseit dislidi un
pôc.
Zontait il sclopit cuant che us pâr che e je ore e
tigneit cont di no fa i pedoglôs, che il sclopit al va in nuie.
Jo o lassi lis fueis vonde lungjutis, ma par che si
messedi miôr al è il câs di taiâlu almancul a miezis.
Visaitsi di meti sâl e pevâr (o pevaroncin, ma mi
racomandi dome un sbit, che al robe il savôr) e intant meteit sù l'aghe pe
paste.
Un moment prime che e boli la aghe (visaitsi il sâl
ancje li, eh) zontait al sugo i pomodoruts taiats a tocuts e tigneit
messedât.
Scolait le past un minût prin dal timp di coture e
fineit di cueile inte padiele, cence scolâle masse, e messedant.
Vie tal plat e compagnait gratant formadi di piore o
scuete fumade a scais
